បើគេធ្វើដំណើរតាមផ្លូវជាតិលេខ 5 ចេញពីក្រោមស្ពានជ្រោយចង្វារប្រហែល100ម៉ែត្រ គេសង្កេតឃើញហាងសាំងតេលាខ្មែរនៅខាងស្ដាំដៃ ដែលមានរថយន្តតាក់ស៊ីចតនៅតាមបណ្ដោយផ្លូវទល់មុខការ៉ាសសាំងកំពុងធ្វើសកម្មភាពដេញស្ទាក់ចាប់ម៉ូយយ៉ាងអនាធិបតេយ្យ ។
សកម្មភាពចតឡានតាមដងផ្លូវនិងដេញចាប់ម៉ូយបង្ករឲ្យមានការកកស្ទះចរាចរញឹកញាប់ហើយក៏បានធ្វើឲ្យសណ្ដាប់ធ្នាប់នៅតាមបណ្ដោយផ្លូវជាតិលេខ 5 ក្នុងខណ្ឌដូនពេញ កាន់តែធ្វើឲ្យអ្នកធ្វើដំណើដោយមធ្យោបាយរថយន្តនិងម៉ូតូជួបការលំបាក ។ ទីតាំងរថយន្តតាក់ស៊ីចតនៅតាមបណ្ដោយផ្លូជាតិលេខ5មុខការ៉ាសសាំងដេញចាប់ម៉ូយយ៉ាងអនាធិបតេយ្យបែបនេះ ត្រូវបានគេដឹងថា មានការឃុបឃិតពីមន្ត្រីសណ្ដាប់ធ្នាប់ដោយតម្រូវឲ្យរថយន្តតាក់ស៊ីមួយគ្រឿអាចចតចាប់ម៉ូយបានក្នុងរយៈពេល2ម៉ោងត្រូវបង់លុយឲ្យម្ចាស់បេន20000៛ ។ ឬថា ឲ្យតែបានលុយ ទោះបីគ្មានច្បាប់អនុញ្ញាតនិងធ្វើឲ្យប៉ះពាល់ដល់ការធ្វើដំណើរពលរដ្ឋយ៉ាងណាក៏ដោយ ក៏លោកអភិបាលខណ្ឌសុខចិត្តបិទភ្នែកមែនទេ?។
មិនទាន់អាចស្វែងរកលេខទូរស័ព្ទអភិបាលខណ្ឌសុំការបំភ្លឺបានទេ សង្ឃឹមថានឹងមានការ បកស្រាយឲ្យបានកាន់តែច្បាស់នៅលេខក្រោយទៀត ៕
