ស្លាប់​កុមារី ៥ នាក់​ជា​សិស្ស​ប៊ែល​ធី​ព្រែក​តាមាក់ ដែល​មាតាបិតា​សិស្ស​គួរ​ពិចារណា​

ស្លាប់​កុមារី ៥ នាក់​ជា​សិស្ស​ប៊ែល​ធី​ព្រែក​តាមាក់ ដែល​មាតាបិតា​សិស្ស​គួរ​ពិចារណា​

យើង​ដឹង​ហើយ​ថា ព្រឹក​ថ្ងៃ​ទី​១០ វិច្ឆិកា ឆ្នាំ​២០២៦ គឺជា​សោកនាដកម្ម​ថ្មី​មួយទៀត បណ្ដាល​ឲ្យ​សិស្ស​នៃ​វិទ្យាល័យ​ប៊ែល​ធី ៥ នាក់ បាន​ស្លាប់​ដោយសារ​ឡាន​ដឹក​សិស្ស​ជួបឧ​បទ្ទ​វហេតុ រេ​ចង្កូត​ក្រឡាប់​ធ្លាក់​ចូល​ស្រះ ។

​ប្រភព​ព័ត៌មាន​ចេញពី​សាក្សី​ដែល​ឃើញ​ហេតុការណ៍ ក៏ដូចជា​សមត្ថកិច្ច​ចរាចរណ៍​សុទ្ធសឹងតែ​បាន​បញ្ជាក់​ពី​មូលហេតុ ដែល​បណ្ដាលឲ្យ​កើតមាន​គ្រោះថ្នាក់​នេះ​កើតឡើង គឺ​៖
​ទី​1-​មកពី​មាន​ម៉ូតូ​ជិះ​គ្នា​ពីរ​នាក់​បើក​បញ្ជ្រាស​គន្លង​ផ្លូវ ទើប​ធ្វើឲ្យ​អ្នក​បើកឡាន​កាច់ចង្កូតប​ញ្ជៀ​សគ្រោះ​ថ្នាក់ជាមួយ​ម៉ូតូ ទើប​ធ្វើឲ្យឡាន​ក្រឡាប់​ធ្លា់ក់​ចូល​ស្រះ​ទឹក​។​
​ទី​2-​គឺ​តៃកុង​ឡាន​បើក​ក្នុង​ល្បឿន​លឿន​ពេក ស្រប​ពេល​ទីតាំង​សាលា​នៅ​មិន​ដល់ 1 គីឡូម៉ែត្រ​ផង​។​

​ក្រោយ​ហេតុការណ៍​ដែល​បាន​កើតឡើង​គួរឲ្យ​រន្ធត់ យើង​សង្កេតឃើញ ការចូលរួម​រំលែក​ទុក្ខ​ពី​ថ្នាក់ដឹកនាំ​និង​នៅតាម​ស្ថាប័ន​មួយចំនួន និង​មហាជន​ជាច្រើន​សុទ្ធតែ​បានបង្ហាញ​ការសោកស្ដាយ​ចំពោះ​កុមារី ដែល​បាន​ស្លាប់​និង​របួស​រួមទាំង​អ្នក​ដែល​បាន​រួចផុត​ពី​គ្រោះថ្នាក់​ថែមទៀត​ផង​។​

​បើ​ពិនិត្យ​ពី​ស្ថានភាព​ទីតាំង​សិស្ស​ដែល​ជួល​ឡានក្រុង​ដឹក​សិស្ស​ចេញពី​ស្រុក​ពារាំង​ខេត្ត​ព្រៃវែង គឺ​មាន​ចម្ងាយ​មិន​ក្រោម​30​គីឡូម៉ែត្រ​នោះទេ ទើប​ទៅ​ដល់​សាលា​ប៊ែល​ធី​ព្រែក​តាមាក់ ។ ចំណែក​នៅ​ស្រុក​ពារាំង វិទ្យាល័យ​ក៏មាន​មិន​តិច​ដែរ ដូចជា​វិទ្យាល័យ ហ៊ុន សែន កំពង់​ពពិល​-​វិទ្យាល័យ ញឹម វណ្ណដា ស្នាយ​ពល​ជាដើម ។​ល​។​

​ជា​ទស្សនៈ​ផ្ទាល់ខ្លួន ការបញ្ជូន​កូន​ដែល​ទើប​បញ្ចប់​ការសិក្សា​ចេញពី​បឋមសិក្សា​បាន​មួយឆ្នាំ ឬ​ពីរ​ឆ្នាំ វា​គ្រាន់តែ​បាន​បង្ហាញ​ពី​លទ្ធភាព​ក្នុង​គ្រួសារ​តែ​ប៉ុណ្ណោះ ដោយ​ពុំ​បាន​គិត​ដល់​ហានិភ័យ​ដែ​លអាច​កើតមាន​ចំពោះ​កូន​នោះ​ឡើយ ។ ព្រោះ​មិន​ថា សាលា​រដ្ឋ​ឬ​ឯកជន​នោះ​ឡើយ គឺ​ពេល​ប្រលង​ឃើញ​មាន​អ្នក​ជាប់​និង​អ្នកធ្លាក់​ដូច​តែ​គ្នា​ទេ ។ ហើយ​កន្លងមក ឃើញ​កូន​អ្នក​មាន​រៀន​នៅ​សាលា​ប៊ែល​ធី​ប្រលង​បាក់ឌុប​ដល់​ទៅ​ពីរដ​ង នៅតែ​អត់​ជាប់​ទាល់តែ​រដ្ឋាភិបាម​សម្រេថ​លុប​ការប្រលង ដោយ​មូលហេតុ​កូវី​ត ទើប​អាច​ផ្ដល់​សំណាង​ឲ្យ​កូន​អ្នក​មាន​ពី​នាក់​បាន​ជាប់​បាក់​ឌុប​ដោយ​ស្វ័យប្រវត្តិ ។ និយាយ​បែប​ហ្នឹង មិនមែន​ចង់​រារាំង​គ្រួសារ​អ្នក​មាន​មិនឲ្យ​ចូលរៀន​នៅ​សាលា​ឯកជន​នោះ​ទេ ព្រោះ​យ៉ាងហោចណាស់​ក៏​ត្រូវ​ជ្រើសរើស​សាលា​ដែល​មាន​រថយន្ត​ដឹក​ជញ្ជូ​សិស្ស​ដែ ទើប​អាច​បញ្ជៀ​ស​ហានិភ័យ ដែល​គ្មាន​ការទទួលខុសត្រូវ​បាន ។

​ដូច​បាន​រៀបរាប់​ខាងលើ​មាតាបិតា​គួរ​យក​ពេល​អប់រំ​កូន​ឲ្យបាន​ច្រើន ព្រោះ​អនាគត​កូន គឺ​វា​ស្ថិតនៅលើ​ការខិតខំ​ប្រឹង​របស់​កូន​មិន​មែន​ស្ថិតនៅ​លើ​សាលា​ទាំងស្រុង​នោះ​ទេ ៕

​

Filed in: ព័ត៌មានក្នុងប្រទេស