ប្រភព គួរឲ្យ ជឿទុកចិត្ត បានបញ្ជាក់ ប្រាប់ថា មន្ត្រីកងរាជ អាវុធហត្ថខេត្ត បន្ទាយមានជ័យ ម្នាក់បើក សង្វៀន ជល់មាន់ ជ្រកក្រោម បរិវេណ កាស៊ីណូ ហ្គោលឌិនក្រោន ដែលមាន ទីតាំងនៅ ភូមិក្បាលស្ពាន សង្កាត់.ក្រុង ប៉ោយប៉ែត ។ មានការ ចោទសួរថា ការវិនិយោគ លើកាស៊ីណូ គឺដើម្បី បើកល្បែង ស៊ីសងប៉ុន្តែ ច្បាប់តម្រូវ ឲ្យបើកល្បែង នៅក្នុងអគារ កាស៊ីណូ ឬនៅក្នុង បរិវេណក្រៅ អគារឲ្យ ប្រាកដ ។
សំណួរ ខាងលើនេះ គួរណាស់ ចៅហ្វាយ ក្រុងប៉ោយប៉ែត ដែលទើប តែឡើងថ្មី បញ្ជាក់ប្រាប់ សាធារណជន រួមទាំងអ្នក សារព័ត៌មាន ឲ្យបាន ដឹងផង ជៀសវាង មានការលើក ឡើងថា មន្ត្រីកងរាជ អាវុធហត្ថ ខេត្តកំពុង ឆ្លៀតឱកាស ក្រោមរូបភាព ត្រីងៀត ឆ្លៀតពង ដើម្បីស្វែង រកផល ប្រយោជន៍ បំពានច្បាប់ ។ ព្រោះបើ ផ្អែកលើ ស្ថានភាព កាស៊ីណូ ទូទៅគឺ បរិវេណ កាស៊ីណូ គ្រាន់តែ ជាទីតាំង ចតរថយន្ត សម្រាប់ផ្ដល់ លទ្ធភាពឲ្យ អ្នកចូល លេងល្បែង នៅក្នុង អគារតែ ប៉ុណ្ណោះ មិនដែល ឃើញគេ យកបរិវេណ ក្រៅអគារ មកធ្វើទីតាំង ល្បែងស៊ីសង នោះឡើយ ។
ប្រជាពលរដ្ឋ នៅក្រុង ប៉ោយប៉ែត បានសំណូមពរ ឲ្យនាយ ឧត្ដមសេនីយ៍ សៅ សុខា អគ្គមេ បញ្ជាការ រងកង យោធពល ខេមរៈភូមិន្ទ និងជា មេបញ្ជា ការកងរាជ អាវុធហត្ថ លើផ្ទៃ ប្រទេស មេត្តាជួយ ទប់ស្កាត់ មន្ត្រីកងរាជ អាវុធហត្ថ កុំឲ្យយក អំណាចទៅ បើកសង្វៀនជល់មាន់នៅបរិវេណក្រៅអគារកាស៊ីណូតទៅទៀត ។ ព្រោះបើ អាចបើក សង្វៀន ជល់មាន់ នៅបរិវេណ ក្រៅអគារ កាស៊ីណូ បានមិនខុស អ្វីពីបើក សង្វៀន នៅក្នុងផ្សារ ឬទីធ្លាដទៃ ក្នុងទឹកដី ក្រុងប៉ោយប៉ែត នោះឡើយ ។
មិនដឹងថា គណ បញ្ជាការ ឯកភាពខេត្ត បន្ទាយមានជ័យ លោកជ្រាប ពីករណី បើកល្បែង ជល់មាន់ នៅក្រោម អគារ កាស៊ីណូ ដែរឬទេ ទើបស្ងាត់ បែបហ្នឹង ៕
ក្រុមអ្នកជល់មាន់ ចតឡានក្នុង បរិវេណ កាស៊ីណូ ហ្គោលឌិនក្រោន
