CNBC បានចុះផ្សាយថា នៅល្ងាចថ្ងៃអាទិត្យទី 1 / 3 / 2026 វេលាម៉ោង6,14ល្ងាច តម្លៃប្រេងឆៅនៅអាមេរិកបានកើនឡើង 7% ឬស្មើនឹង 5,08$ ធ្វើឲ្យតម្លៃប្រេងកើនឡើងដល់ 72,10$ ក្នុងមួយបារ៉ែល បន្ទាប់ពីសហរដ្ឋអាមេរិកវាយប្រហា IRANS បានមួយថ្ងៃ ។ ចំណែកសន្ទស្សន៍ហ៊ុនពិភពលោក Brent បានកើនឡើងប្រហែល 8% ឬ $5,91 ដល់ $78,78 ។ ជារលកដ៏ធំ នៃការវាយប្រហាពីសហរដ្ឋអាមេរិកនិងអ៊ីស្រាអែលបណ្ដាលឲ្យមេដឹកនាំអ៊ីរ៉ង់ Ayatollah Alli Khamenei និងមេទ័ពមួយចំនួនបានស្លាប់ ។ វាមិនច្បាស់ទេថា តើអ្នកណានឹងគ្រប់គ្រងប្រទេសផលិតប្រេងធំជាងគេទី4 នៅក្នុងអង្គការOPEC។
របៀបដែលទីផ្សារប្រេង នៅទីបំផុតមានប្រតិកម្មនឹងអាស្រ័យថា តើសង្គ្រាមនាំទៅរកការ រំខានរយៈពេលយូរ រហូតដល់មានការចរាចរឆ្លងកាត់ច្រកសមុទ្រ Hormuz ឡើងវិញ ។
មានការ វិភាគថា ការសម្រេចចិត្តបើកការវាយប្រហារចូលក្នុងទីក្រុងអ៊ីរ៉ង់ នៅថ្ងៃទី28/02/2026 សហរដ្ឋអាមេរិក ពិសេសគឺអ៊ីស្រាអ៊ែលពិតជាបានសិក្សា និងស្វែងយល់បានច្បាស់លាស់ណាស់ ទាំងបច្ចុប្បន្ន និងគ្រោះថ្នាក់នាពេលអនាគតដ៏ខ្លីខាងមុខ ។ ព្រោះស្ថានភាពពិតជាក់ស្ដែង បើអាមេរិកមិនរួមគ្នាវាយប្រហាអ៊ីរ៉ង់នៅពេលនេះទេ ក៏អ៊ីរ៉ង់ត្រូវតែវាយអ៊ីស្រាអ៊ែលដូចការព្រមានពីមេដឹកនាំអ៊ីរ៉ង់កន្លងមកថា នឹងលុបបំបាត់អ៊ីស្រាអ៊ែលចេញពីមជ្ឈឹមបូព៌ា ។ ផ្អែកតាមសកម្មភាពដែលប្រទេសមហាអំណាចប្រេងលំដាប់ទី 4 ធ្វើការចំណាយប្រាក់យ៉ាងច្រើន ដើម្បីផលិតអាវុធរួមទាំងចំណាយទ្រព្យធនយ៉ាងច្រើនដែលបានមកពីធនធានប្រេងពង្រីកកម្លាំងគាំទ្រក្រុមហាម៉ាសក្នុងទឹកដីប៉ាលេស្ទីន-បង្កើតក្រុមហេបូឡានៅលីបង់ និងក្រុមហ៊ូទីនៅយ៉េមែន គឺដើម្បីធ្វើភេរវកម្មដោយអាវុធដើម្បីសម្លាប់ជនជាតិអ៊ីស្រាអ៊ែល ។ ហើយអ្នកដែលរងគ្រោះពិតប្រាកដគឺប្រជាជនប៉ាលេស្ទីន-ប្រជាជនលីបង់ និងយ៉េមែន រួមទាំងប្រជាជនអ៊ីស្រាអ៊ែលថែមទៀតផង ។ ទីបំផុតអ៊ីស្រាអ៊ែល ដែលជាជនរងគ្រោះដោយជនផ្ដាច់ការល្មោភសង្គ្រាមពីការរៀបចំរបស់មេដឹកនាំអ៊ីរ៉ង់ត្រូវបានពិភពលោកធ្វើការថ្កោលទោសទៅវីញ ។ សរុបសេចក្ដីទៅ ទោះអាមេរិក និងអ៊ីស្រាអ៊ែល មិនវាយអ៊ីរ៉ង់ក៏ភោគទ្រព្យអ៊ីរ៉ង់ ដែលបានមកពីធនធានប្រេង គឺជាទ្រព្យដែលជាប់ប្រលាក់ដោយឈាមនៅមជ្ឈឹមបូព៌ារកទីបញ្ចប់ពុំបានឡើយ ។ មិនពិបាកយល់ទេ នៅពេលអ៊ីរ៉ង់ដែលជាប្រទេសមហាអំណាចប្រេងទី 4 បែរជាក្ស័យធន ខុសគុយវ៉ែត-កាតា-អារ៉ាប់ ដែលមានទ្រព្យចាយហូហៀរ ព្រោះតែមិនចង់ចំណាយ ដើម្បីបានធ្វើបងធំនៅមជ្ឈឹមបូព៌ា ៕
ក្រុមហេបូឡានៅលីបង់
ក្រុមហាម៉ាសនៅប៉ាលេស្ទីន
ក្រុមហ៊ូទីនៅយ៉េមែន
