តើ!? គឺជាសំណួរ ឬបើនិយាយក្នុងច្បាប់ គឺស្ថិតក្នុង (វិមតិសង្ស័យ) គឺអាចមានតម្លៃដល់ការស៊ើបអង្កេតតែប៉ុណ្ណោះ ព្រោះបើផ្អែកតាមរូបភាពដែលផ្សព្វផ្សាយតាមបណ្ដាញសង្គម លើភស្តុតាង ដែលគេអះអាងថា បានផ្ដល់ឲ្យតាមរយៈស្នងការរាជធានីភ្នំពេញ ដើម្បីលាងសម្អាតលើការចោទប្រកាន់ថា កូនលោកអភិបាលស្រុកកងមាស ជាអ្នកបើកឡានទំនើប ក្នុងស្ថានភាពស្រវឹង បង្កឲ្យបុកយុវជនម្នាក់រងរបួសជាទម្ងន់ថា គឺជារឿងមិនពិត ដោយសម្អាងលើរូបភាព ដែលសមត្ថកិច្ចយកចេញពីកាំមេរ៉ាសុវត្ថភាព ឃើញរូបកូនប្រុសលោកអភិបាលស្រុកកងមាសអង្គុយ ដេកនៅជាប់កៅអីតៃកុងទៅវិញ ។
ផ្អែកតាមរូបភាពដែលបានអះអាងថា ផ្សព្វផ្សាយចេញពីPage ស្នងការរាជធានីភ្នំពេញមានមហាជន និងសារព័ត៌មានជាច្រើន ក៏ដូចជាគេហទំព័រកាសែតជាតិ មានចម្ងល់ថា÷
1)-ប្រជាពលរដ្ឋនៅកន្លែងកើតហេតុ បានបង្ហោះតាមបណ្ដាញសង្គមថា គឺកូនប្រុសលោកអភិបាលស្រុកកងមាស ជាអ្នកបើកបុកយុវជនជិះម៉ូតូឲ្យរងរបួសធ្ងន់ ក្នុងស្ថានភាពស្រវឹង ថែមទាំងប្រើពាក្យថា បុកស្លាប់បង់2ម៉ឺនទៅចប់រឿងហើយ បើទោះជាស្រីស្នេហ៍ ដែលរួមដំណើជាមួយចេញមុខថា ខ្លួនជាអ្នកបើកក៏ដោយ។
2 )-ភស្តុតាង ដែលសមត្ថកិច្ចបង្ហាញតាមកាំមេរ៉ាសុវត្ថភាព គឺកូនលោកអភិបាលស្រុកអង្គុយនៅកៅអីជាប់តៃកុង តែកន្លែងកៅអីតៃកុង បែរជាអត់រូបអ្នកបើកទៅវិញ។
3)-រូបភាពដែលសមត្ថកិច្ចបង្ហាញថា បានយកចេញពីកាំមេរ៉ាសុវត្ថិភាព គឺកូនលោកអភិបាលស្រុក ស្លៀកខោខុសពណ៌ និងអង់ត្រឺនុយ អង្គុយដេកក្នុងឡាន ខុសពីរូបភាពនៅកន្លែងកើតហេតុ គឺកូនលោកអភិបាលស្រុកឈរស្លៀកខោពណ៌ផ្សេង ហើយក៏អត់ដាក់អាវក្នុងខោដែរ។
ផ្អែកតាមការអះអាងលើការកែទម្រង់ស៊ីជម្រៅលើប្រព័ន្ធច្បាប់ ឯកឧត្ដមកើត រិទ្ធ ឧប នាយករដ្ឋមន្ត្រី រដ្ឋមន្ត្រីក្រសួងយុត្តិធម៌បានជម្រុញឲ្យប្រជាពលរដ្ឋក៏ដូចជាអ្នកសារព័ត៌មានចូលរួមសហការដើម្បីកាពារសិទ្ធិពលរដ្ឋឲ្យទទួបានយុត្តិធម៌ពិតប្រាកដ ។
សំណូរ ÷ សូមគោរពធ្វើការចោទសួរទៅកាន់ ឯកឧត្ដម ថា បើមានការរៀបចំប្រឌិតភស្តុតាងពីសមត្ថកិច្ច ដូចការសង្ស័យពីមហាជន ក៏ដូចជាអ្នកសារព័ត៌មាន ដែលបានផ្សាយតើអាចមានទោសពីបទល្មើសដែឬទេ ?! ៕
