ការសាងសង់លំនៅដ្ឋានសម្រាប់គ្រួសារកសិករ តាមកំណើនសមាជិកនិមួយៗ ជៀសមិនផុតពីការស្វែងរកទីតាំងថ្មី ដើម្បីសាងសង់លំនៅដ្ឋាន ។ រាល់ការចំណាយតម្រូវការដំបូង គឺចំណាយទៅលើថ្លៃជួលឡានដឹកដី និងចំណាយថ្លៃប្រេងបូមទឹកបំរើឲ្យវិស័យកសិកម្ម ។ នៅពេលប្រេងកំពុងឡើងថ្លៃ ដោយសារសង្គ្រាមនៅអ៊ីរ៉ង៎ គឺវិស័យអចលនៈវត្ថុគ្រួសារពិតជាមានផលប៉ះពាល់ ។ ចំណែកតម្លៃស្រូវអង្ករអាចនឹងឡើងថ្លៃខ្ពស់នៅដើមឆ្នាំ2027 ព្រោះតែកសិករមួយចំនួនធំបោះបង់ឈប់ធ្វើស្រែដោយសារកត្តាប្រេងនិងជីក៏កំពុងឡើងថ្លៃផងដែរ។
ងាកមកមើលក្រុមហ៊ុនអចលនៈវត្ថុវិញ មិនថាក្រុមហ៊ុនតូចឬធំ គឺសុទ្ធសឹងតែផ្អាកសកម្មភាពចាក់ដីសាងសង់ដោយលើកហេតុផលដូចៗគ្នាថា មកពីប្រេងឡើងថ្លៃ ។ ជាក់ស្ដែងក្រុមហ៊ុន OCIC នៅជ្រោយចង្វារ-ក្រុមហ៊ុន7NG -និងក្រុមហ៊ុនឡេងណាវ៉ាត់ត្រា គឺបានផ្អាកការងារសាងសង់ និងចាក់ដីដោយរង់ចាំសង្គ្រាមចប់តម្លៃប្រេងចុះថោកវិញ។
ទោះបីយ៉ាងណា ស្រូវអង្ករគឺជាស្បៀងតម្វ្រវការចាំបាច់ដែលក្រសួងកសិកម្មត្រូវតែចាត់វិធានការស្វែងរកលទ្ធភាពដើម្បីឲ្យកសិករអាចបន្តធ្វើស្រែចំការបាន ។ ពុំនោះទេប្រសិនបើតម្លៃប្រេងនៅតែបន្តឡើងថ្លៃពេញឆ្នាំ2026ទេនោះ ហើយកសិករបាត់បង់ក្ដីសង្ឃឹមទៅលើការបង្ករបង្កើនផលធ្វើស្រែចំការ តើកម្ពុជាជាប្រទេសកសិកម្មធ្លាប់ស្វែងរកទីផ្សារនាំអង្ករចេញ អាចទិញអង្ករមកផ្គត់ផ្គង់បានដែឬទេ៕
