មានរឿងច្រើនណាស់ដែលបានកើតឡើង ហើយមានការវិនិច្ឆ័យពីថ្នាក់ដឹកនាំស្ថាប័ន អង្គភាព អាជ្ញាធរ និងសមត្ថកិច្ច ពីថ្នាក់ទាប រហូតដល់ថ្នាក់ខ្ពស់សម្រេចដាក់ទោសទណ្ឌមកលើមន្ត្រីដោយពុំមានតម្លាភាពនោះឡើយ។ពេលខ្លះរឿងតូចសោះ ដូចករណីមន្ត្រីសង្កាត់ម្នាក់នៅក្រុងព្រៃវែង គ្រាន់តែទទួលលុយ10000៛លើសការកំណត់របស់រដ្ឋក៏ត្រូវបានបណ្ដេញចេញពីការងារ។ចំណាត់ការលោកចៅសង្កាត់ហាក់បានបង្ហាញឲ្យមជ្ឈដ្ឋានអ្នកតាមដាននឹកស្មានមិនដល់ថា បើនៅក្នុងសង្គមខ្មែរទាំងមូលសុទ្ធសឹងតែអនុវត្តន៍បានបែបហ្នឹង មិនថាសឹង្ហបូរី ឬស្វីសឡើយក៏កំណត់ត្រានៃអំពើពុករលួយស្ថិតនៅលើកម្ពុជាឆ្ងាយណាស់។
មិនចាំបាច់ធ្វើការប្រៀបធៀបច្រើននោះទេ ដោយលើកយកករណីមន្ត្រីបរិស្ថានដែលចាប់អុសរបស់ប្រជាពលរដ្ឋដឹកតាមគោយន្តជំរិតទារប្រាក់25ម៉ឺនរៀល ទោះបីមានការផ្សព្វផ្សាយតាមរយៈអ្នកសារព័ត៌នព្រោងព្រាតក៏គេពុំបានឃើញមានចំណាត់ការពីថ្នាក់ដឹកនាំមន្ទីរឬក្រសួងចេញមុខប្រតិកម្មអ្វីឡើយ គឺស្ងាត់ដូចចោរលួចសេះទៅវិញ។
តាមពិតទៅអំពើពុករលួយក្នុងសង្គមខ្មែរ មិនចាំបាច់គ្រាន់តែលុយ10000៛ក៏តម្រូវឲ្យបណ្ដេញចេញពីក្របខណ្ឌមន្ត្រីនោះទេ។ព្រោះចំណាត់ការ ល្អពេកបែបនេះគឺហាក់បីដូចជាពុំបានសម្លឹងមើលពីទំហំនៃអំពើពុករលួយនៅជុំវិញខ្លួននោះឡើយ។
ជាមតិក្នុងការចូលរួមចំណែករិៈគន់ដើម្បីស្ថាបនាជាជំហ៊ានដំបូង មិនថាម ន្ត្រីអាជ្ញាធរ ស្ថាប័នតុលាការនិងមន្ត្រីជំនាញគួរកំណត់ព្រំដែនពុករលួយកុំឲ្យធ្វើការសម្រេចឲ្យអ្នកខុសឈ្នះអ្នកត្រូវ។
ព្រោះបើអ្នកត្រូវគេឲ្យ1000$ ចំណែកអ្នកខុសអ្នកបំពានគេហ៊ានឲ្យ5000 $បើយក1000ពីអ្នកត្រូវរួចឲ្យអ្នកត្រូវឈ្នះគឺស្មើនឹងបានកែទម្រង់អំពើពុករលួយមួយជំហ៊ានធំរួចទៅហើយ។ព្រោះការឈឺចាប់របស៎ប្រជាពលរដ្ឋថែលទទួលរងនូវភាពអយុត្តិធម៌គឺពិតជាឈឺចាប់ខ្លាំងណាស់ ។
ជាក់ស្ដែងមន្ត្រីសង្កាត់នៅក្រុងព្រៃវែងដែលត្រូវបណ្ដេញចេញ បើធ្វើការប្រៀបធៀបបរិកាសពុករលួយនៅក្នុងខេត្ត គឺមានតែសាម៉ីខ្លួនទេ ដែលស្គាល់ពីតម្លៃនៃការឈឺចាប់ពិតប្រាកដ ៕
