ប្រជាពលរដ្ឋ8គ្រួសារ ដែលបានអាស្រ័យផលនៅចំណុចទួលពន់រៃ ភូមិកំពង់ពោធិ៍ត្បូង ឃុំក្រាំងយ៉ូវ ស្រុកស្អាងខេត្តកណ្ដាល តាំងពីឆ្នាំ1979 ដោយអ្នកខ្លះទិញលក់បន្ត គ្រួសារខ្លះទទួលមរតកបន្តពីឪពុកមកកូន រហូតដល់ចៅត្រូវបានលោកហុង អាន មេភូមិកំពង់ធោធិ៍ត្បូងចុះហត្ថលេខាទទួលស្គាល់ពីប្រវត្តិកាន់កាប់ដីពិតប្រាកដមែន ។
នៅក្នុងលិខិតផ្ទេរសិទ្ធិអាជ្ញាធរភូមិ កំពង់ពោធិ៍ត្បូង លោកមេឃុំក្រាំងយ៉ូវ និងអភិបាលស្រុកស្អាងសុទ្ធសឹងតែបានចុះហត្ថលេខាទទួលស្គាល់ ផ្ទុយទៅវិញ លោកពន់លៃអនុប្រធានភូមិបាលស្រុកស្អាងធ្វើការជំទាស់មិនឲ្យវាស់វែងដោយបានបញ្ជាក់ថាទីតាំងដីនេះបានចុះបញ្ជីជាដីអាងរដ្ឋតាំងពីឆ្នាំ2005បើគិតមកដល់ឆ្នាំ2023នេះគឹមានរយៈកាល18ឆ្នាំហើយ។នៅពេលជួបជាមួយលោកស៊ឹម ភី កាលពីថ្ងៃទី23ខែសីហាឆ្នាំ2023អតីតៈប្រធានការិយាល័យធនធានទឹកស្រុកស្អាងដែលចូលនិវត្តន៍តាំងពីឆ្នាំ2015លោកបានរៀបរាប់ច្បាស់ៗថានៅប្រាំងម៉ិញគឺជិតមួយឆ្នាំហើយមានមន្ត្រី2នាក់ជិះឡានមកឈប់នៅផ្ទះគាត់ ម្នាក់ឈ្មោះក្រួច សុតជាមន្ត្រីភូមិបាលស្រុក ម្នាក់ទៀតឈ្មោះអ៊ំ ឡុងអាចជាមន្ត្រីមកពីខេត្តបានកាន់ឯកសារមកឲ្យគាត់ស៊ីញ៉េដាក់តំបន់ទួលពន់រៃជាដីអាងរដ្ឋទួលពន់រៃវិញ។
ដោយលោកអ៊ំ ស៊ឹម ភី មិនអាចមើលអក្សរឃើញក្នុងវ័យចាស់ជរាទៅហើយនោះលោកក៏បានឲ្យមន្ត្រីដែលយកឯកសារមកអានឲ្យគាត់ស្ដាប់សិន ហើយបញ្ជាក់ប្រាប់ថាដីដែលគេរៀបដាក់បញ្ចូលជាអាងទួលពន់រៃគឺមានទំហំ36ហិកតាដោយមន្ត្រីនោះអះអាងថា ឧកញ៉ាគាត់ចិត្តល្អទេ អាចសុំឡានគាត់មួយគ្រឿងក៏បានដែ។ដោយលោកស៊ឹម ភីសង្ឃឹមថានឹងអាចសុំដីពីឧកញ៉ាបាន1ហិកតាព្រោះគាត់ធ្វើប្រធានការិយាល័យធនធានទឹកតាំងពីថ្ងៃបង្កើតការិយាល័យធនធានទឹកព្រោះកន្លងមកគាត់ជាមន្ត្រីធារាសាស្ត្រនៃមន្ទីកសិកម្មខេត្តអត់ដែលទទួលបានដីសូម្បីមួយចង្អាម ។
តាមការបញ្ជាក់ពីទំហំដីអាងរបស់លោកស៊ឹម ភីមានចំនួន36ហិកតា គឺមន្ត្រីអង្គរក្សម្នាក់ឈ្មោះធឿន វុទ្ធីធ្លាប់ធ្វើការជាមួយគ្នានៅទស្សនាវដ្ដីធម្មជាតិក៏បានបញ្ជាក់ប្រាប់ផងដែតាមរូបភាពផែនទីនៅក្នុងទូរស័ព្ទថាដីអាងទួលពន់រៃមានទំហំ36ហិកតា ប៉ុន្តែឥឡូវនៅសល់តែ8ហិកតាទេ ព្រោះមន្ទីរបានកាត់ឆ្វៀលធ្វើប្លង់រឹងឲ្យឈ្មួញអស់28ហិតា ហើយតាមការទិញលក់ដោយបង្ខំគឺបើមិនលក់ក៏គេយកដែរ ព្រោះជាដីអាងរដ្ឋ ។ ក្រោយមកលោកធឿន វុទ្ធីបាននាំមន្ត្រីមន្ទីររៀបចំដែនដីខេត្តឈ្មោះ នី ដើម្បីយកឯកសារ រត់ការធ្វើប្លង់រឹងឲ្យពលរដ្ឋ8គ្រួសារ។ទទួលឯកសារបាន2ថ្ងៃមន្ត្រីឈ្មោះនី បានបញ្ជាក់តាមទូរស័ព្ទថាលេខនិយាមកា ប្លង់ដីរបស់ប្រជាពលរដ្ឋទាំង8គ្រួសារ គឺជាន់លើប្លង់រឹងឈ្មោះ កុយ វីដែលជាមេការឧកញ៉ាសំ ប៊នតាមដឹងដីនោះគឺគេបានលក់ឲ្យក្រុមហ៊ុនចិនអស់ហើយ។
ចំណែកពាក្យបណ្ដឹងសុំអន្តរាគមន៍ចុះបញ្ជីដីធ្លីទៅអភិបាលខេត្តកណ្ដាល ទោះបីឯកឧត្តមគួច ចំរើនអភិបាលនៃគណៈអភិបាលខេត្តកណ្ដាលចុះហត្ថលេខាឯកភាពតាមចំណារឯកឧត្តមតាំង ម៉េងលាងសុំយោបល់ដ៏ខ្ពស់ពីឯកឧត្ដមអភិបាលខេត្ត តម្រូវឲ្យបង្កើតក្រុមការងារចុះពិនិត្យជាក់ស្ដែងដើម្បីធ្វើរបាយការ ប៉ុន្តែរដ្ឋបាលខេត្តពុំបានបង្កើតក្រុមការងារចុះពិនិត្យនិងធ្វើរបាយការឡើយដោយគ្រាន់តែចេញលិខិតអញ្ជើញឲ្យប្រជាពលរដ្ឋ8គ្រួសារមកប្រជុំនៅសាលាខេត្តដោយមានវត្តមានលោកស្រេង លឹមហួរនាយករងរដ្ឋបាលសាលាខេត្តជាអធិបតីនិងមន្ត្រីជំនាញផែនទីមកបញ្ចាំងស្លាយថាជាទីតាំងដីរដ្ឋគឺចប់ដោយត្រូវកាត់ឆ្វៀលយកដីអាស្រ័យផលនិងដីលំនៅដ្ឋានប្រជាពលរដ្ឋដែលមិនទាន់មានប្លង់កើនឡើងពីដីអាងដែលនៅសល់8ហិកតាព្រោះប្រជាពលរដ្ឋមិនព្រមលក់ឲ្យឈ្មួញកើនដល់27ហិកតា6707ម៉ែត្រការ៉េបានចុះបញ្ញីជាទ្រព្យសម្បត្តិរដ្ឋនៅថ្ងៃទី19ខែកក្កដាឆ្នាំ2021ស្របពេលដែលប្រជាពលរដ្ឋបានកាន់កាប់និងអាស្រផល41ឆ្នាំមកហើយ នេះបើតាមការបញ្ជាក់ក្នុងអង្គប្រជុំនៅសាលាខេត្តកណ្ដាល ។ សូម្បីអ្នកសារព័ត៌មាន2រូបដែលចូលទៅស្ដាប់និងយកព័ត៌មានក្នុងអង្គប្រជុំក៏ត្រូវបានមន្ត្រីខេត្តបណ្ដេញចេញដែ ដោយប្រាប់ថា នៅទីនេះមានមន្ត្រីគេថតហើយ (ចប់) ខេត្តកណ្ដាលស្មោះ ។
នៅពេលប្រជាពលរដ្ឋ 8 គ្រួសារបន្តប្ដឹងសុំអន្តរាគមន៍ចុះបញ្ជីដីធ្លីទៅក្រសួងរៀបចំដែនដីអស់រយៈពេល 7 ខែជាង ទើបឯកសារចូលដល់នាយកដ្ឋានអធិការកិច្ច ដោយលោកភីន ចាន់ធីនជាមន្ត្រីកាន់ឯកសារ រួចបើកមើលរូបភាពទីតាំងដីហើយចង្អុលប្រាប់ថាទីតាំងដីផ្ទះនៅជាប់នឹងផ្លូវបែបហ្នឹងម្ដេចថាជាដីអាង។កុំចេះតែចោទអាជ្ញាធរនិងមន្ត្រីថាគេមិនចុះបញ្ជីឲ្យប្រយ័ត្នគេប្ដឹង ព្រោះលិខិតផ្ទេរសិទ្ធិមិនអាចយកមកអះអាងបានទេត្រូវទៅទីញពាក្យស្នើសុំចុះបញ្ជីនៅភូមិបាលស្រុកមកបំពេញបើអាជ្ញាធរនិងមន្ត្រីភូមិបាលមិនស៊ីញ៉េឲ្យគឺឲ្យគាត់បញ្ជាក់ពីមូលហេតុរួចចាំប្ដឹងមកម្ដងទៀត ដោយលោកគ្រាន់តែធ្វើកំណត់ហេតុថាមិនបានរៀបចំឯកសារចុះបញ្ជីតែប៉ុណ្ណោះ ។ នៅពេលទិញឯកសារចុះបញ្ជីដីធ្លីយកទៅឲ្យឃុំស៊ីញ៉េត្រូវបានបដិសេធន៍ដោយសូម្បីឲ្យបញ្ជាក់ពីមូលហេតុក៏មេឃុំឆ្លើយថាខ្លាចជាប់គុកព្រោះកន្លងមកគេប្ដឹងចូលតុលាការច្រើនលើកហើយទោះបីមានការជំរុញពីជំទប់ឃុំក៏ដោយ ។ នៅពេលជំទប់សួរនាំក្រៅសាច់រឿងថា ចុះអាដីនៅខាងលិចតើអាចធ្វើបានទេ ? មេឃុំគាត់ឆ្លើយថា អ្នកណាហ៊ានធ្វើបើកាលប្រជុំប្រជាពលរដ្ឋស្នើសុំចុះបញ្ជីត្រូវបានសម្ដេចបវរយល់ព្រមហើយ ។ មានន័យថា បើកុំតែសម្ដេចបវរចុះទៅបានឯកភាពតាមសំណើរបស់ប្រជាពលរដ្ឋទេ គឺពិតជាមិនអាចឲ្យរាស្ត្រទទួលបានសិទ្ធិចុះបញ្ជីដីធ្លីបាននោះទេ ! នេះឬលក្ខណៈសម្បត្តិមន្ត្រីបំរើរាស្ត្រដែលថ្នាក់ដឹកនាំតែងក្រើនរំលឹក។ឬមួយថាមានតែសម្ដេចបវរនិងសម្ដេចតេជោដែលជាថ្នាក់ដឹកនាំទេដែលជាអ្នកបំរើរាស្ត្រពិតប្រាកដ។
ចំណែកប្ដឹងទៅក្រសួងជាលើកទីពីរគីឃើញមន្ត្រីក្រសួងជាស្ត្រីគាត់បានឲ្យផ្ញើរូបប្លង់ដីថតឲ្យបានច្បាស់ព្រោះលេខនិយាមកា នៅក្នុងពាក្យបណ្ដឹមើលមិនច្បាស់ទេ ។ ឬមួយមន្ត្រីក្រសួងគាត់យកលេខនិយាមកាទៅពិនិត្យក្នុងផែនទីឃើញដូចមន្ត្រីខេត្តឈ្មោះនីថាប្លង់ដីទាំង8គ្រួសារជាន់លើប្លង់រឹងឈ្មោះកុយវីមេការឧកញ៉ាសំប៊នរួចធ្វើរបាយការភូតកុហក់រដ្ឋមន្ត្រីថាក្រុមខ្លួនបានចុះទៅដល់ទីតាំងដីជាក់ស្ដែងទាំងប្រជាពលរដ្ឋ8គ្រួសារដែលរស់នៅលើដីនោះរួមទាំងមេភូមិក៏ពុំបានដឹងបានស្គាល់មុខមន្ត្រីដែលចុះទៅដល់ទីតាំងដីជាក់ស្ដែងផង ។ ហើយអ្វីដែលមន្ត្រីខេត្តបញ្ជាក់ពីទំហំដី និងរយៈពេលចុះបញ្ជីដូចបានរៀបរាប់ខាងលើក៏សុទ្ធសឹងតែខុសៗគ្នាដែ លើទីតាំងដីតែមួយសោះ ។ ភាពមិនច្បាស់លាស់ពីក្រោមដល់លើនេះហើយទើបប្រជាពលរដ្ឋទាំង8គ្រួសារដាក់ពាក្យបណ្ដឹងស្នើសុំអន្តរាគមន៍ជាលើកទី2 គោរពជូនសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាជាតិមេត្តាអនុញ្ញាតឲ្យមានមន្ត្រីអធិការកិច្ចចុះពិនិត្យនិងធ្វើរបាយការណ៍ជាក់ស្ដែងដើម្បីឲ្យរាស្ត្រដែលជ្រកក្រោមម្លប់ដឹកនាំរបស់សម្ដេចតេជោធិបតីទទួលបានយុត្តិធម៌និងសុខសន្តិភាពពិតប្រាកដ ។ ពុំនោះទេបើថ្នាក់ដឹកនាំជំនាញនៅតែគេចវេះក្នុងការប្រាស្រ័យទាក់ទងឲ្យដឹងពីស្ថានភាពផ្ទាល់របស់ប្រជាពលរដ្ឋ ដោយធ្វើកាសម្រេចទៅតាមតែរបាយការណ៍ ឬតាមអ្នកខ្សឹបទេនោះ សមដូចប្រសាសន៍ដ៏ខ្ពង់ខ្ពស់លោកបណ្ឌិត្យសុខ ទូចប្រធានរាជបណ្ឌិត្យសភាលើកឡើងគឺវាគ្រោះថ្នាក់ខ្លាំងណាស់សម្រាប់ប្រជាពលរដ្ឋដែលកំពុងរស់នៅមានស្ថានភាពទន់ខ្សោយស្រាប់ ៕





